Motapa Kam Karne Ke Upay (Gharelu)- Weight Loss Tips in Hindi

Hello Doston, aaj is post ke maadhyan se mein apko motapa kam karne ke upay batane ja raha hun.

Aajkal pratyek har 5 logo me se 1 motape ki samasya se pareshan hai. Kafi paise, samay kharch karne ke bad bhi motapa kam nahi ho pata hai. Yaha tak ki log gym karna, dieting, khana kam kar dete hain par koi asar na dikhne ke kaaran nirash hoke baith jate hai.

Sabse jyada log apne pet ki charbi (Fat) se pareshan hote hain kuch din mehnat karne ke bad ye sochke beth jana ki ab kuch nahi ho sakta to ab apki soch ko badalne ka samay aa gaya hai. Agar aap bhi iss samasya ka samna kar rahe hai aur motapa kam karne ke liye diet bhi follow kar hai fir bhi motapa kam nahi ho raha toh ab apki chintaon ka samadhan sirf 16 dino me ho sakta hai.

Motapa Kam Karne Ke Bahut hi Aasan Upay

Motapa Kam Karne Ke Liye Tips (Motapa Kam Karne Ke Upay)

Toh sabse pehle mein apko batana chahta hu ki raat ko late sona or fir subhe late uthna ye bhi vajan ko badata hai. Sabse pehle apki din charya me apko jaldi sone or subhe jaldi uthne ki adat ko shamil karna hoga, Jab aap subhe uthte hain toh apko chai (Tea) ki jagah green tea peeni hai. Sath hi bahar ka bana hua koi bhi junk food nahi khana hai uss se apki pachan prakriya sahi se kam nahi karti aur vo khaya hua food apke pet ki charbi ko badata hai.

Nimbu ki Chai (Lemon Tea)

Motapa kam karne ke liye gharelu upay kaafi laabhkari hote hain jisme sabse pehle nimbu ki chai (Lemon tea) hai. Agar apko chai pine ki adat hai to aap uski jagah lemon tea piya karein iss se aapne joh bhi din bhar me khaya hai vo sahi tarhe se hazam (Digest) ho jayega aur isse apko motapa kam karne me sahayta milegi.

Stop Drinking Alcohol

Agar aap regular alcohol lete hai toh ye bhi ek motape badhne ka kaaran hai, Alcohol se apki bhukh badti hai aur shareer me fulav ata hai. Agar aap jald hi apna motapa kam karna chahte hain to turant alcohol ka sevan band kar dijiye, thode time me aap khud fark mehsus karenge.

Walking

Paidal (walking) chalne se bhi motape me kafi fayda hota hai, aap soch rahe honge ki paidal toh aap rojana chalte hai uss se kya hoga to main apko bata dun ke paidal chalne se vajan kam nahi hota hai par aap apke badte huye vajan ko jarur rok sakte hain, Aur apko paidal thoda jaldi-jaldi (Fast) chalna hai aur din ka khana, nashta ya raat ko khana khane ke bad me apko walking jarur karni hai jis se apki pachan prakriya sahi hogi khana jaldi pachega aur motapa kam hoga.

Running

Aap jante hain motapa ek badi samsya ban gai hai aur kai log motape ke alava sirf apne pet ki charbi se pareshan hain, Toh yadi apko bhi apne pet ki charbi ko kam karna hai toh apko rojana doudna (Running) hoga, ho sake toh din me 2 bar running karein. Ek bar subhe uthte hi aur fir sham ko kuch khane se pehle. Doudhne ke sath aap koi bhi exercise kar sakte hai jisme apka pasina nikle kyon se isse kafi fat burn hota hai. Exercise me pet kam karne liye cycling ek acha upay hai.

Motapa Kam Karne Ke Liye Diet

• Motapa kam karne ke liye koi vishesh diet nahi hai bas apko itna dhyan rakhna hai ki kisi bhi prakar ka bahar ka bana khana na khaye bas ghar ka bana khaye, or tala (food) hua khana (food) bilkul tyag dein.
• Sabjiyon ko pakane ki bajaye salad ke roop me khayein.
• Green vegetables jyada se jyada khayein (Karela, Palak, Methi, etc.)
• Pine ki chije jyada piye (Juice, Shakes etc.).
• Khana ek time khayein or dusre time fruits khaye.

Aajkal logo ko lagta hai ki khana kam khana, ya band karna bhi vajan kam karne ka upay hai, lekin ye manodharna galat hai. Khana kam khane se apke shareer ko ucchit poshan nahi mil pata aur aap bimar ho jate hai, motapa kam karne ke gharelu nuskhe me sabse acha tarika ye hai ki aap dheere dheere apni diet ko kam karein jaise yadi aap 5 roti khate hain to usko ghata kar 4 kar lijiye or tab tak 4 hi khaiye jab tak apka pet 4 rotiyon se bhar na jaye, jab apka pet 4 roti me bhar jayega tab samaj lijiye ki apki diet kam ho gai hai, ab aap beshak 4 roti se ghata kar 3 kar sakte hai per yad rahe aap motapa kam karne ki jaldi me 3 roti se 2 roti na karein kyuki apke shareer ko jaruri aahar bhi avashyak hai, Khana khane ke bad aap gungune pani ka aadha glass (Half glass) leke usme nimbu ka ras dalke pee lein taki jo apne khana hai vo sahi tarhe se pacch (Digest) sake.

Parhej

• Bhahar ka bana khana na kahyein.
• Tala (fried) hua khana na khayein.
• Alcohol na lein.
• Subah jyada late tak na soyein.
• Raat ko jayda der tak na jaagein.

Iss post ke maadhyam se hum apko sahi jankari dene ka prayas kar rahe hain. Taki aap samaj sake ki gharelu upay se motapa kaise kam kare, Hume khushi hogi agar iss website ke jariye aap tak kuch jankari pohchi hai aur apko iska fayeda mila hai. Aapne hamare website par itna samay diya uska bahut dhanyawad.